ننکانہ صاحب(نامہ نگار) بابا گورونانک کے 548ویں جنم دن کی تقریبات میں شرکت کے لئے ننکانہ صاحب میں بیرون ممالک سے سکھ یاتریوں کی آمد کا سلسلہ جاری ہے گزشتہ روز برطانیہ سے 166سکھ یاتری سردار کئیر سنگھ کی قیادت میں گورودوارہ جنم استھان ننکانہ صاحب پہنچے جہاں پاکستان سکھ گورودوارہ پربندھک کمیٹی کے جنرل سیکرٹری سردار گوپال سنگھ چاولہ، کئیر ٹیکر گورودوارہ جنم استھان سید عتیق گیلانی، ڈپٹی ایڈمنسٹریٹر اوقاف ننکانہ محمد اسحاق نے یاتریوں کا استقبال کیا یاد رہے کہ اس سے قبل ملائشیا سے بھی سکھ یاتریوں کا ایک جتھہ ننکانہ صاحب پہنچ چکا ہے، ننکانہ صاحب میں باباگورونانک کے جنم دن کی تین روزہ تقریبات 12نومبر سے شروع ہونگی ۔