اسلام آباد (وقائع نگار خصوصی) اکادمی ادبیات پاکستان‘ قومی تاریخ و ادبی ورثہ ڈویژن کے زیراہتمام یوم اقبال کے حوالے سے ایک روزہ ’’علامہ اقبال قومی سیمینار‘‘ کا انعقاد کیا جا رہا ہے جس کا موضوع ’’فکر اقبال کی عصری معنویت‘‘ ہے۔ سیمینار 9 نومبر کو کانفرنس ہال‘ اکادمی ادبیات پاکستان میں منعقد کیا جائے گا۔ سیمینار میں ملک بھر سے نامور دانشور شرکت کرینگے۔ آخری اجلاس میں اکادمی ادبیات پاکستان کے تحت شائع ہونے والے بچوں کے رسالے ’’سہ ماہی ادبیات اطفال‘‘ کی تقریب رونمائی منعقد کی جائے گی۔