لاہور (نمائندہ خصوصی) لاہور میں مختلف مقامات پر متعدد وارداتوں میں شہری لاکھوں روپے مالیت کی نقدی، زیورات اور قیمتی اشیا سے محروم کر دیے گئے۔ تفصیلات کے مطابق فیصل ٹاون کے علاقے میں مسلح ڈاکو افضال کے گھر سے 5لاکھ 80ہزار مالیت کی نقدی، سونے کے طلائی زیورات و دیگر اشیا لوٹ کر فرار ہوگئے۔ غازی آباد کے علاقے میں مسلح ڈاکو کی احسان اور فیملی سے اسلحہ کے زور پر 3لاکھ50 ہزار روپے کی نقدی اور طلائی زیوارات لوٹ کر لئے گئے سمن آباد کے علاقے میں موٹر سائیکل سوار ڈاکو زبیر اور فیملی سے2لاکھ 40ہزار کی نقدی و زیوارات۔ چوہنگ کے علاقے میں شفیق اور فیملی سے 1لاکھ 90 ہزار نقدی و زیوارات، شادباغ میں وقاص سے موٹر سائیکل سوار ڈاکو گن پوائنٹ پر2 لاکھ 55ہزار، گھڑی اور موبائل۔اچھرہ میں مقبول سے گن پوائنٹ پر3 لاکھ 40ہزار نقدی موبائل فون اور لوئر مال میں گن پوائنٹ پر جاوید سے5 لاکھ 20ہزار نقدی اور موبائل فون لوٹ کر فرار ہوگئے جبکہ نامعلوم چور ٹائون شپ اور شمالی چھاونی سے گاڑیاں جبکہ ساندہ اور ہربنس پورہ سے موٹر سائیکلیں چوری کر کے فرار ہو گئے۔