واشنگٹن(نیٹ نیوز) امریکا  کے 46ویں صدر کے انتخاب کا مکمل نتیجہ تاحال نہیں آیا تاہم ڈونلڈ ٹرمپ کی جانب سے ووٹنگ کے دوران دھوکا ہونے اور ووٹ چرانے کا دعویٰ کیا جارہا ہے۔امریکی انتخاب میں دھاندلی اور ووٹ چرانے سے متعلق بیانات پر ڈونلڈ ٹرمپ کو شدید تنقید کا سامنا ہے اور سوشل میڈیا بالخصوص ٹوئٹر پر ان پر مزاحیہ تبصرے کیے جارہے ہیں۔اب حال ہی میں وزیراعظم عمران خان کی سابقہ اہلیہ جمائما گولڈ اسمتھ نے ڈونلڈ ٹرمپ کی نقل پر مبنی ایک ویڈیو شیئر کرتے ہوئے امریکی صدر پر مزاحیہ تبصرہ کیا۔جمائما گولڈ اسمتھ کی شیئر کی گئی ویڈیو میں ایک شخص ڈونلڈ ٹرمپ کی نقل اتار رہا ہے۔ ویڈیو میں موجود شخص وائٹ ہاؤس سے جانے کا سن کر زمین پر بچوں کی طرح ضد کرتے ہوئے پاؤں مار رہا ہے اور کہہ رہا ہے کہ ’میں نہیں جاؤں گا‘۔علاوہ ازیں ٹوئٹر پر مختلف پاکستانیوں نے میمز کی شکل میں امریکی انتخاب اور ڈونلڈ ٹرمپ پر تبصرے کیے ہیں۔