گستاخانہ خاکوں سے دنیا بھر کے مسلمانوں کی دل آزاری ہوئی: محبوب عالم سبحانی

ملتان(سماجی رپورٹر) دربار حضرت قاضی مٹھوؒ کے سجادہ نشین مخدوم محبوب عالم سبحانی قریشی نے کہا ہے کہ پوری دنیا دین اسلام کی طرف راغب ہورہی ہے یورپی ممالک میں لوگوں کو اندازہ ہوگیا ہے کہ اسلام دین حق ہے اس لیے وہ جوک در جوک دین اسلام میں داخل ہورہے ہیں حکمران نبی کریمؐ کی شان میں گستاخی کرنے والوں کیخلاف فوری ایکشن لیںکیونکہ گستاخانہ خاکوں سے پوری دنیا کے مسلمانوں کی دل آزاری ہوئی ہے ان خیالات کا اظہار انہوں نے انجمن اسیر تاجدار ختم نبوت کمیٹی کے زیر اہتمام سالانہ میلاد کانفرنس سے صدارتی خطاب کرتے ہوئے کیا انہوں نے مزید کہا کہ حضور اکرم ؐ کی تعلیمات ہمارے لئے مشعل راہ ہے۔ اس موقع پر مخدوم فیض مصطفی قریشی، حاجی میاں منیر احمد،میاں غلام حسین،میاں محمد حسین،میاں اخلاق احمد‘احمد رضا قادری،خلیفہ عبدالقدوس، میاں محمد عمران ودیگر نے خطاب وہدیہ نعت پیش کیا۔