وزیراعظم کے معاون خصوصی برائے سیاسی ابلاغ شہباز گل نے کہا ہے کہ نااہل لیگ کے پاس جھوٹ کے سوا کچھ نہیں۔

انہوں  نے سماجی رابطے کی ویب سائٹ پر ٹویٹ کرتے ہوئے کہا کہ نا اہل لیگ کے پاس 3 دہائیوں کی حکمرانی کے بعد بھی جھوٹ کے سوا کچھ نہیں، وزیراعظم نے صحت، تعلیم، سیاحت، غریب کو ریلیف دے کر ترجیحات بتا دیں، عوام کیلئے فرق کرنا آسان، کون کام کر رہا اور کون خراب، مسائل کی بنیادی وجہ آپ کی کرپشن، لوٹ مار، ڈاکہ زنی ہے، کرپشن کا سوال پوچھیں گے اور ہر صورت آپ کو جواب دینا ہوگا، گلگت میں آپ کا روز کا رونا سامنے نظر آنیوالی شکست کی وجہ ہے، تحریک انصاف گلگت بلتستان میں کلین سویپ کرے گی۔