12 افسروں کے تقرر و تبادلے‘ ناصر محمود ڈی جی گوجرانوالہ ڈویلپمنٹ اتھارٹی تعینات

لاہور (سٹی رپورٹر) پنجاب حکومت نے 12 افسران کے تقروتبادلے کے احکامات جاری کر دئیے۔ نوٹیفکیشن کے مطابق محکمہ سروسز اینڈ جنرل ایڈ منسٹریشن میں تقرری کے منتظر جاوید اختر محمود کو سیکرٹری ہائوسنگ اربن ڈویلپمنٹ اینڈ پبلک ہیلتھ انجینئرنگ جنوبی پنجاب ، تنویر اقبال تبسم کو سیکرٹری پرائمری اینڈ سیکنڈری ہیلتھ کیئر جنوبی پنجاب، ناصر محمود بشیرکو ڈائریکٹر جنرل گوجرانوالہ ڈویلپمنٹ اتھارٹی، عائشہ غضنفر کو ڈپٹی سیکرٹری محکمہ سپیشلائزڈ ہیلتھ کیئر، جنت حسین نیکو کارہ کو ایڈیشنل ڈپٹی کمشنر ریو نیو ننکانہ صاحب،احسن رضا کو ایڈیشنل ڈپٹی کمشنر جنرل ننکانہ صاحب، میاں محمد نذیر کو ایڈیشنل ڈپٹی کمشنر فنانس شیخوپورہ، ایڈیشنل کمشنر لاہور امان انور قدوائی کی نو روزہ ایکس پاکستان لیو منظور، عبد اللطیف کو ڈپٹی سیکرٹری داخلہ جنوبی پنجاب، شفاعت علی کو ایڈیشنل سیکرٹری داخلہ جنوبی پنجاب اورآصف محمودکو ڈپٹی سیکرٹری محکمہ داخلہ پنجاب تعینات کر دیا گیا۔