ڈکیتی‘ راہزنی کی وارداتیں شہری لاکھوں روپے اور سامان سے محروم 

لاہور (نمائندہ خصوصی) لاہور میں متعدد وارداتوں کے دوران شہری لاکھوں روپے مالیت  کے  طلائی زیورات موبائل فون اور دیگر قیمتی اشیاء  سے محروم کردیئے گئے۔ ذرائع کے مطابق رائیونڈ سٹی کے علاقے میں مسلح ڈاکو راشد علی کے گھر میں گھس کر اس کے اہل خانہ کو یرغمال بنا کر 1 لاکھ 71 ہزار مالیت  کا سامان، ستوکتلہ کے علاقے میں ڈاکو اعجاز کی دکان میں گھس کر گن پوائنٹ پر 47ہزار نقدی اور موبائل فون، باغبان پورہ کے علاقے میں جاوید کی دکان سے ڈاکو گن پوائنٹ پر ایک لاکھ پچیس ہزار روپے نقدی اور موبائل فون، محمد شہزاد سلیم سے ڈاکو 90 ہزار روپے اور سونے کی انگوٹھی، شاہدرہ ٹاؤن سے ڈاکو شفاقت کی دکان سے ایک لاکھ 28 ہزار روپے اور موبائل فون، شاہدرہ کے علاقے میں ڈاکو اکبر خان کی دکان سے گن پوائنٹ پر دو لاکھ 17ہزار پانچ سو روپے نقدی و موبائل فون اور اسد علی سے ایک لاکھ بیس ہزار روپے نقدی اور موبائل فون لوٹ کر فرار ہو گئے۔ نواب ٹاون کے علاقے میں ڈاکو افتخار علی سے 18 ہزار 500 روپے نقدی اور موبائل فون، جوہر ٹاؤن کے علاقے میں ڈاکو حسن سے 22 ہزار روپے نقدی موبائل فون، سبزہ زار کے علاقے میں موٹر سائیکل سوار ڈاکو خرم ممتاز اور اس کی فیملی سے 12 لاکھ 60 ہزار روپیہ نقدی، 8تولے طلائی زیورات اور موبائل فون، لون سٹی کے علاقے میں ڈاکو ذیشان سے 26 ہزار پانچ سو روپیہ اور موبائل فون، سمن آباد کے علاقے میں موٹر سائیکل سوار ڈاکو حارث ہمایوں سے ایک لاکھ 16 ہزار روپے اور موبائل فون، ساندہ میں سرور سے گن پوائنٹ پر ڈاکو چار لاکھ روپے نقدی موبائل فون، اچھرہ کے علاقے  میں ڈاکو سجاد اور اسکی فیملی سے تین لاکھ 72 ہزار روپے نقدی اور موبائل فون، کاہنہ میں ڈاکو گن پوائنٹ پر علی طاہر سے پندرہ ہزار روپے و موبائل فون، تیمور علی سے 12 ہزار ایک سو روپے موبائل فون اور اعجاز سے 13 ہزار دو سو روپے موبائل فون ، نشتر کالونی کے علاقے میں ڈاکو عبدالمجید سے ستر ہزار روپے نقدی موبائل فون، باغبانپورہ میں توقیر سے ساٹھ ہزار روپے نقدی اور موبائل فون، جنوبی چھاؤنی کے علاقے میں ڈاکو سید علی عدنان سے دس ہزار روپے نقدی اور موبائل فون، ہیر کے علاقے میں ڈاکو علی حسن سے نقدی اور موبائل فون، شاہدرہ کے علاقے میں ڈاکو اقبال سے ایک لاکھ 53 ہزار روپے نقدی اور موبائل فون اسلام پورہ میں ذوالقرنین سے 30 ہزار روپے نقدی اور موبائل فون چھین کر فرار ہو گئے۔ گلبرگ، شمالی چھاونی، ہنجروال، بادامی باغ، لاری اڈا ،گڑھی شاہو، اقبال ٹائون، برکی،مصطفیٰ ٹاؤن، نولکھا سے 10کاریں اور ملت پارک، کوٹ لکھپت، فیکٹری ایریا، جنوبی چھاونی، مناواں، سمن آباد، شیرا کوٹ، نواں کوٹ، گلشن راوی، سبزہ زار، اچھرہ سے 11 موٹر سائیکلیں چوری ہو گئیں۔