لاہور(نیوزرپورٹر)لاہورمیں آلودگی کے تناسب میں نمایاں کمی واقع ہوگئی۔191 اے کیو آئی کے ساتھ ملک بھر میں تیسرے نمبر پر آگیا۔ساہیوال 383 اے کیو آئی کے ساتھ سرفہرست اور فیصل آباددوسرے نمبر پر رہا۔تفصیلات کے مطابق آلودگی میں ساہیوال اورفیصل آباد نے لاہور کو مات دے دی۔آلودگی کے اعتبار سے 383اے کیو آئی کے ساتھ ساہیوال سرفہرست اور 277اے کیو آئی کے ساتھ فیصل آباد دوسرا آلودہ  شہر رہاجبکہ لاہورمیں اے کیوآئی191 رہا۔لاہور میں آلودگی کا سب سے زیادہ تناسب ڈیفنس فیز آٹھ میں ریکارڈکیا گیا جو 425رہا۔کوٹ لکھپت میں ائیرکوالٹی انڈیکس  352 ریکارڈ کیا گیاجبکہ ٹائون شپ اورفتح گڑھ کے علاقوں میں اے کیو آئی بالترتیب   294اور 286 رہا۔