ملتان (سپورٹس ڈیسک) سابق بھارتی کرکٹر وریندر سہواگ نے روہت شرما کو بھارتی ٹیم کے نئے کپتان کیلئے مضبوط امیدوار قرار دیا ہے۔کرکٹ ویب سائٹ کے مطابق وریندر سہواگ نے بھارتی ٹیم کے نئے کپتان کیلئے نہ صرف روہت شرما کو بہترین امیدوار قرار دیا بلکہ کپتانی کیلئے ان کی حمایت بھی کی۔میڈیا کے مطابق روہت شرما کے علاوہ کے ایل راہول اور ریشب پنت کو بھی بھارت کی ٹی ٹوئنٹی ٹیم کے کپتان کیلئے بہتر قرار دیا جارہا ہے تاہم ان امیدواروں میں روہت شرما ایک مضبوط امیدوار ہیں۔واضح رہی کہ ٹی ٹوئنٹی ورلڈکپ کے بعد بھارتی ٹیم کے موجودہ کپتان ویرات کوہلی کپتانی چھوڑ دیں گے جبکہ بھارتی ٹیم کے نئے ہیڈ کوچ راہول ڈریوڈ بھی روہت شرما کو کپتان بنانے کے خواہش مند ہیں۔