لاہور(سپورٹس رپورٹر) شاہین آفریدی کہتے ہیں کہ جنوبی افریقہ اور نیدر لینڈز کے مابین میچ کی ایک اننگز ہوٹل میں اور دوسری گراؤنڈ میں دیکھی، اس دوران ہم پریکٹس کم اور میچ زیادہ دیکھ رہے تھے۔ نوجوان بلے باز محمد حارث نے کہا  کہ اس کامیابی پر نیدرلینڈز کے کھلاڑیوں سے زیادہ پاکستانی کھلاڑیوں کو خوشی ملی۔ شاہین آفریدی کہتے ہیں  کہ جب پہلی وکٹ ملی تو کھلاڑیوں نے حوصلہ بڑھایا جس کے بعد اعتماد میں اضافہ ہوا اور وہ وکٹیں لیتے چلے گئے۔محمد حارث نے کہا کہ جنوبی افریقہ کے خلاف بیٹنگ سے جو اعتماد ملا تھا کوشش تھی کہ اسی اعتماد سے بیٹنگ کروں، اپنے شاٹ کھل کر کھیلے، سکور کو آگے بڑھایا اور جیت میں اپنا حصہ ڈالا۔