لاہور( این این آئی) چیف سیکرٹری پنجاب کامران علی افضل کی رخصت میں چوتھی بار توسیع کر دی گئی ،عبد اللہ خان سنبل آئندہ ماہ 6دسمبر تک چیف سیکرٹری پنجاب کی ذمہ داریاں سرانجام دیتے رہیں گے۔ پنجاب کے محکمہ سروسز اینڈ اینڈ جنرل ایڈ منسٹریشن کی جانب سے جاری کردی نوٹیفکیشن کے مطابق چیف سیکرٹری پنجاب کامران علی افضل کی رخصت کی مدت آج 7نومبر( پیر) کو ختم ہو رہی تھی تاہم اس میں مزید ایک ماہ 06-12-2022تک توسیع کر دی گئی ہے ۔ پنجاب میں حکومت کی تبدیلی کے بعد کامران علی افضل نے16ستمبر کودو ہفتے کی رخصت لی تھی جس میں چوتھی بار توسیع کی گئی ہے ۔محکمہ سروسز اینڈ جنرل ایڈ منسٹریشن کے نوٹیفکیشن کے مطابق چیئرمین پلاننگ اینڈ ڈویلپمنٹ بورڈ محمد عبد اللہ خان سنبل 6 دسمبرتک چیف سیکرٹری پنجاب کے عہدے پر ذمہ داریاں سر انجام دیں گے۔