ڈاکوؤں نے درجنوں شہریوں کو نقدی، زیور، گاڑیوں سے محروم کر دیا 

لاہور (نامہ نگار) ڈاکوؤں اور چوروں نے متعدد شہریوں سے لاکھوں روپے زیورات، موبائل فون، گاڑیاں، موٹر سائیکلیں اور دیگر سامان لوٹ لیا ہے۔ ڈاکوؤں نے گلشن اقبال میں نعمان کے گھر گھس کر اہلخانہ کو گن پوائنٹ پر یرغمال بنا کر 6لاکھ 50ہزار، جوہر ٹاؤن میں سلیم کے گھر سے 5لاکھ، ہربنس پورہ  میں اعظم اور اس کی فیملی سے گن پوائنٹ پر 4لاکھ  80ہزار، فیصل ٹاؤن میں ظہیر اور اس کی فیملی سے3لاکھ 10ہزار، مصطفی آباد میںفہیم اور اس کی فیملی سے 2 لاکھ، شفیق آباد میں ریاست اور اس کی فیملی سے 86ہزار زیورات، موبائل فون اور دیگر سامان، گلشن راوی میں عمران سے 75ہزار اور موبائل فون، مغلپورہ میں خرم سے 42ہزار اور موبائل فون، ہڈیارہ میں رشید سے 38ہزار اور موبائل فون، کوٹ لکھپت میں کرامت سے 29ہزار اور موبائل فون لوٹ لیا۔ چوروں نے ڈیفنس اے اور ماڈل ٹاؤن  سے2 گاڑیاں، سندر  سے رکشہ  گڑھی شاہو، سبزہ زار، ملت پارک، لیاقت آباد، شاہدرہ ٹاؤن اور گوالمنڈی سے6 موٹر سائیکلیں چوری کر لیں۔