لاہور (سپیشل رپورٹر) ڈیپارٹمنٹ آف فلم اینڈ براڈکاسٹنگ پنجاب یونیورسٹی نے اداکاری اور ویڈیو پروڈکشن پہ سہ روزہ تربیتی ورکشاپ کا اہتمام کیا۔ پہلے روز اجوکا تھیٹر سے منسلک معروف اداکار بلال مغل نے فلم اسٹوڈنٹس کو اداکاری کے بنیادی اصولوں سے متعارف کروایا اور مختلف سرگرمیوں کی مدد سے نئے اداکاروں کو فن اداکاری کے اسرار و رموز سکھائے۔ دوسرے روز معروف شاعر اور فلم میکر احمدحمّاد نے جونیئر فلم میکرز کو وڈیو پروڈکشن کی تربیت دی جس میں پلاٹنگ سے پوسٹ تک، سب مراحل سے متعارف کروایا گیا اور پریکٹس کروائی گئی۔ تیسرے اور آخری روز فلم سٹوڈنٹس نے گزشتہ 2 روز میں جو کچھ سیکھا تھا، اسے پرفارم کر کے دکھایا۔