چکری(نامہ نگار)پاکستان تحریک انصاف کے سینئر رہنماوسابق امیدوار این اے 59 ریٹائرڈ کرنل اجمل صابر راجہ نے کہا ہے کہ عمران خان وہ واحد لیڈر ہیں جن پر پوری قوم اعتماد کرتی ہے ایسے لیڈر صدیوں بعد پیدا ہوتے ہیں جواپنی سیاست یا اقتدار کے بجائے ملک وقوم کے مستقبل کے لئے اپنا تن من اور دھن قربان کرنے کا جذبہ رکھتے ہیں قائدتحریک انصاف عمران خان کے کنٹینر پر حملہ بزدلانہ فعل ہے جس کی پرزور مذمت کرتے ہیں ایسے اوچھے ہتکھنڈوں سے سابق وزیراعظم عمران خان اور ان کے کارکنوں کو ڈرایا نہیں جاسکتا ہمارے عزم اور حوصلے بلند ہیں حکمران جماعت سے عمران خان کی مقبولیت برداشت نہیں ہورہی ہم اللہ پاک کاشکر ادا کرتے ہیں کہ قائد تحریک انصاف عمران خان اور ان کے ساتھی اس قاتلانہ حملے میں محفوظ رہے عمران خان کو ملک سے محبت اور وفاداری کی سزاد ی جارہی ہے انتشار کی یہ روش کسی بھی صورت ملکی مفاد میں نہیں اس سے مسائل میں اضافہ ہوتا ہے سابق وزیراعظم عمران خان ایک بہادر ، نڈر اور بے باک لیڈر ہیں جو ملک میں حقیقی آزادی کی جنگ لڑرہے ہیں۔