ملتان(خبر نگار خصوصی )نشتر میڈیکل یونیورسٹی کی قائمقام وائس چانسلر پروفیسر ڈاکٹر مہناز خاکوانی نے کہا ہے کہ ہمارے تمام مسائل کا حل صرف اور صرف اتباع رسول اور اسوئہ حسنہ کی روشن تعلیمات میں موجود ہے وہ جشن میلاد النبی کی تقریبات کے سلسلے میں نشتر میڈیکل یونیورسٹی کے آڈیٹوریم میں منعقدہ سالانہ سیرت کانفرنس میں خطاب کر رہی تھیں نشتر میڈیکل کالج کے پرنسپل پروفیسر راشد قمر راو نے کہا کہ حضور سرور کائنات کی سیرت طیبہ سے ہمیں نظم وضبط ہر کام کی انجام دہی کیلئے منصوبہ بندی ،پابندی وقت ،احترام انسانیت ،حصول علم اور علم پر عمل کا درس ملتا ہے زندگی کے ہر شعبے میں کامیابی کیلئے سیرت طیبہ کو صدق دل سے مشعل راہ بنایا جائے سیرت کانفرنس سے ڈائریکٹر سٹوڈنٹس افیئرز پروفیسر ڈاکٹر عباس نقوی ،پروفیسر ڈاکٹر محمد صدیق خان قادری،پروفیسر نازش زہرا،پروفیسر ڈاکٹر محمد عمران سیفی،پروفیسر محمد اعظم خان کے علاوہ مکرم شوکت ،علی رضا چوہدری،محمد نعمان ،اقصیٰ بلال،حافظ مہروز،نور فاطمہ،لائبہ ممتاز،انس فرید،عائشہ، عبدالرزاق ،عیشا منیر،رانا علی شمشاد،سیدہ دوشہ زہرا،محمد عثمان ،محمد بلال،فریحہ ناز،حفصہ نصیر،انیقہ ندیم،رابش ناز،اسرار علی،محمد حسنین اور قراة سمیع نے بھی خطاب اور ہدیہ نعت ہیش کیا۔