روچھان/کشمور( محبوب مزاری نا مہ نگار  )پاکستان کی عظیم سیاسی شخصیت قومی لیڈر عوامی راہنما تمن مزاری کے چیف سابق وزیراعظم  میر بلخ شیر مزاری کی نماز جنازہ ان کے فرزندان سردار طارق محمود مزاری، رکن قومی اسمبلی سردار ریاض محمود مزاری، سردار زاہد محمود، سابق ڈپٹی اسپیکر پنجاب اسمبلی سردار میر دوست محمد مزاری، سردار شیر عالم مزاری، سردار شیراحمد مزاری و خاندان کے دیگر افراد جنازہ گاہ پہنچے جہاں پر رقت آمیز مناظر دیکھنے کو ملے۔ سردار میر بلخ شیر مزاری کی نماز جنازہ اسٹیڈیم روجھان میں ادا کر دی گئی۔سردار میر بلخ شیر مزاری کے نماز جنازہ میں چاروں صوبوں سے تعلق رکھنے والے ملک بھر سے عوامی سماجی سیاسی مذہبی سرکاری افراد بہرام زئی ،ٹلوزئی ،میر زئی کرم زئی ،گلشیرانی ،مستاغانی اور روجھان کے گرد و نواح جملہ سرداران  سمیت جملہ اتمان کھوسہ، لغاری، گورچانی، دریشک، مزاری خواجگان، کی اہم سیاسی شخصیات سردار سلیم جان مزاری، سید یوسف رضا گیلانی، نواب زادہ شاہ زین بگٹی، وفاقی وزیر سردار احسان الرحمن مزاری، عامر فرید کوریجہ، غلام فرید کوریجہ، ایم این ایز ایم پی ایز موجودہ و گزشتہ صوبائی و وفاقی وزراء وکلائ، صحافی ڈاکٹرز،ٹیچرز، جنوبی پنجاب ڈویژنل، ضلعی اعلی افسران تمام شعبہ ہائے زندگی سے تعلق رکھنے والے ہزاروں  افراد نے نماز جنازہ میں شرکت کی اس دوران رقت آمیز مناظر دیکھنے کو ملے اس موقع پر سیکیورٹی کے فل پروف انتظامات کیے گئے تھے نماز جنازہ ادا کرنے کے بعد مرحوم کو اپنے آبائی قبرستان ہندھیرا میں آہوں سسکیوں اور اشکوں کے ساتھ سپرد خاک کر دیا گیا اس وقت خاندان کی جانب سے رقت آمیز مناظر دیکھنے کو ملے۔سردار میر بلخ شیر مزاری کی وفات پر ان کے سوگ میں انجمن تاجران روجھان کے صدر موسی خان مزاری، جنرل سیکرٹری حاجی غلام یسین سومرو، جوائنٹ سیکرٹری اشفاق احمد سومرو، فنانس سیکرٹری حاجی احمد سومرو، ممتاز خان حسنی، سجاد فوجی ملک اور انجمن تاجران روجھان کے دیگر عہدیداروں نے روجھان کی جملہ مارکیٹس، کاروباری مراکز بند رکھنے کا باضابطہ اعلان کیا ہے۔ اس موقع پر انجمن تاجران روجھان کے صدر موسی خان مزاری نے کیا ہے کہ سردار میر بلخ شیر مزاری کی وفات روجھان کی تاریخ کا المناک سانحہ اور ناقابل تلافی نقصان ہوا جس کا خلاء کبھی بھی پر نہ ہو سکے گا۔ انہوں نے کہا کہ سردار میر بلخ شیر مزاری کی علاقے میں دی جانے والی عوامی خدمات ہمیشہ یاد رکھی جائیں گی اللہ تعالیٰ سردار میر بلخ شیر مزاری کو کروٹ کروٹ جنت عطاء  فرمائے آمین۔