فلپائن،مسافر بس میں  بم دھماکہ،  5افراد  زخمی

منیلا۔(اے پی پی)فلپائن  کے جنوبی علاقے میں ایک مسافر بس میں بم دھماکے  کے نتیجے میں 5افراد شدید زخمی ہوگئے ہیں ۔چینی خبررساں ادارے کے مطابق  فلپائن   کی فوج کے 6 ویں انفنٹری ڈویژن کے کمانڈر میجر جنرل رائے گیلیڈو  نے میڈیا کو بتایا کہ کداپاوان شہر سے منڈانا جزیرے پر واقع تاکورونگ شہر کی طرف  جانے والی مسافر بس میں ایک دیسی ساختہ بم دھماکہ کیا گیا جس کے نتیجے میں 5افراد شدید زخمی ہوئے ہیں ۔
انہوں نے بتایا کہ زخمی مسافروں کو قریبی ہسپتال میں منتقل کر دیا گیا ہیملٹری صوبائی پولیس کے ساتھ رابطہ کر کے اس بات کی تحقیقات کر رہی ہے کہ آیا یہ حملہ علاقے میں جرائم پیشہ گروہوں کی بھتہ خوری کی سرگرمی کا حصہ تھا یا اس معاملے میں کوئی اور عوامل بھی ہیں۔انہوں نے مزید بتایا کہ  بس کمپنی کو بم کی دھمکیاں مل رہی تھی اور ابھی تک کسی گروپ نے  بھی اس حملے کی ذمہ داری قبول نہیں کی ہے۔