ابوظبی ٹی 10،سٹیورٹ بننی ''دی نیویارک سٹرائیکرز''کا حصہ بن گئے

کراچی(اے پی پی)ابوظبی ٹی 10کے رواں سیزن کی نئی ٹیم  نیویارک سٹرائیکرز نے اعلان کیا ہے کہ بھارتی کرکٹر سٹیورٹ بننی ان کی ٹیم میں شامل ہوگئے ہیں۔ سٹیورٹ بننی وائٹ بال کرکٹ میں شراکت داری کو توڑنے میں عرصہ دراز سے اہم مقام رکھتے ہیں۔ آل رائونڈر اچھے بلے باز بھی ہیں اور تیز رفتاری سے رنز بنانے کی صلاحیت بھی رکھتے ہیں۔ ابوظبی ٹی 10سیزن میں نیویارک سٹرائیکرز ان کی صلاحیتوں سے بھرپور طریقے سے مستفید ہوگی۔ تمام فارمیٹس میں 300سے زیادہ میچز کا تجربہ رکھنے والے سٹیورٹ بننی جس اسکواڈ کا حصہ بنے ہیں اس میں وہاب ریاض، کیرن پولاڈ اور ایون مورگن جیسے تجربہ کار کھلاڑی بھی شامل ہیں۔ جس سے نیویارک سٹرائیکرز نئی تاریخ رقم کرے گی۔ اس موقع پر سٹیورٹ بننی نے کہاکہ وہ نیویارک سٹرائیکرز میں شمولیت اختیار کرنے پر خوش ہیں اور پرامید ہیں کہ یہ ان کے سفر کو اہم بنائے گا۔اسکواڈ اچھے کرکٹرز پر مشتمل ہیں جو سفید گیند کا بڑا تجربہ رکھتے ہیں۔ نیو یارک اسٹرائیکرزکے مالک ساگر کھنہ نے کہا کہ سٹیورٹ بننی تجربہ کار ہیں اور گیند اور بلے کا اچھا استعمال جانتے ہیں جس کی ہمیں پہلے سیزن میں اشد ضرورت ہے۔