دنیا کا طویل القامت پاکستانی شہری غلام شبیر انتقال کر گیا۔غیر ملکی خبر رساں ایجنسی کے مطابق دنیا کے طویل القامت پاکستانی شہری غلام شبیر ایک عرصے سے علیل تھے جس کے بعد وہ پیر کو جدہ میں انتقال کر گئے۔غلام شبیر 1980 میں پیدا ہوئے تھے اور ان کا قد 7 فٹ 8 انچ تھا جبکہ انہوں نے سن 2000 سے 2006 تک دنیا کے طویل القامت شخص کا اعزاز حاصل کیا۔غلام شبیر کا نام گینز بک آف ورلڈ ریکارڈ میں بھی درج ہے جبکہ وہ سعودی عرب کے مزاحیہ سیریل میں بھی کام کرتے رہے ہیں اور انہیں سعودی عرب سے دلی لگاؤ تھا۔