پاکستان اوپن ٹین پن باﺅلنگ چیمپئن شپ کا آغاز آج ہو گا

لاہور (سپورٹس رپورٹر)پاکستان ٹین پن باﺅلنگ فیڈریشن کے زیراہتمام اور سندھ ٹین پن باﺅلنگ ایسوسی ایشن کے تعاون سے پاکستان اوپن ٹین پن باﺅلنگ چیمپئن شپ آج سے رائل روڈیل کلب، ڈی ایچ اے، کراچی میں شروع ہو گی۔ چیمپئن شپ میں اعجاز الرحمان اپنے ٹائٹل کا دفاع کرینگے جبکہ ٹورنامنٹ کے چیمپئن انیب شفیع، نیشنل چیمپئن فاضل مانیا کے علاوہ قومی و بین الاقوامی کھلاڑی حمرا عباس ، علی سوریا، دنیال شاہ، سکندر حیات، شبیر ، سلیم بیگ اور محمد حسین چٹھہ شامل ہیں۔