لاہور(سپورٹس رپورٹر)بنگلہ دیش اور پاکستان کی خواتین ٹیموں کے درمیان 3 ایک روزہ بین الاقوامی کرکٹ میچوں پر مشتمل سیریز کا دوسرا میچ آج شیر بنگلہ نیشنل سٹیڈیم ، ڈھاکہ میں کھیلا جائے گا۔ پاکستان کی خواتین ٹیم کو 3 میچوں کی سیریز میں 0-1 کی برتری حاصل ہے ، پہلے میچ میں گرین شرٹس نے 5 وکٹوں سے کامیابی حاصل کی تھی۔پاکستان کی ویمن ٹیم ان دونوں بنگلہ دیش کے دورہ پر ہے اور مہمان ٹیم میزبان بنگلہ دیشی ٹیم کے خلاف تین ٹی ٹونٹی میچوں کی سیریز کھیل چکی ہے جس میں اس کو میزبان بنگلہ دیشی کی خواتین ٹیم کے ہاتھوں 1-2 سے شکست کا سامنا کرنا پڑا ہے۔ 3 ون ڈے میچوں کی سیریز آئی سی سی چیمپئن شپ کا حصہ ہے۔بنگلہ دیش اور پاکستان کی ویمنز ٹیموں کے درمیان 3 ایک روزہ بین الاقوامی میچوں کی سیریز کا تیسرا اور آخری ون ڈے میچ 10 نومبر کو کھیلا جائے گا۔ تینوں میچز ڈے ہوں گے اور شیر بنگلہ نیشنل سٹیڈیم، ڈھاکہ میں کھیلے جائیں گے۔