تحریک انصاف کے سینئر رہنماء علی محمد خان نے کہا ہے کہ صرف بلا ہمارے پاس رہنے دیں کھلاڑی چھکے چوکے ماریں گے،ایسا نہیں کہ بالکل اندھیری رات ہے عدالتوں سے امید ہے۔نجی ٹی وی سے گفتگو کرتے ہوئے تحریک انصاف کے سینئر رہنماء علی محمد خان نے کہا ہے کہ ایوان صدر میں تمام اسٹیک ہولڈرز کو صرف ایک نکتے آزاد شفاف الیکشن پر بلایا جائے،صدر عارف علوی سے مجھے اب بھی امید ہے۔ علی محمد خان نے کہا ہے کہ دبائو تو کچھ نہ کچھ رہتا ہے اللہ مضبوط کھڑے ہونے کی توفیق دیتا ہے۔جس پر الزام ہے اس کو سامنا کرنا چاہئی. انہوں نے کہا کہ عوام تحریک انصاف کے ساتھ ہیں، کچھ نہ کچھ لیول پلیئنگ فیلڈ مل گئی تو اب بات دو تہائی سے تھوڑی آگے بڑھ جائے گی۔ انکا کہنا تھا کہ سیاسی مخالفت ہوتی ہے دشمنی نہیں۔ ایک طرف حکومت کی پوری سپورٹ ہے اور دوسری طرف کنونشن نہیں کرنے دیا جاتا۔ کہاں ہے لیول پلینگ فیلڈ؟ انہوں نے کہا کہ ہم مشکلات کا شکار ہیں کوشش کر رہے ہیں کہ کوئی حلقہ بغیر امیدوار کے نہ چھوڑیں۔ ہم اپنے نظریے پر الیکشن لڑیں گے الیکٹیبل کی ضرورت اس طرح نہیں رہی۔