پنجاب سیف سٹیز اتھارٹی نے3سالہ گمشدہ بچی ورثاءکے سپرد کردی

لاہور(نامہ نگار) 3 سالہ نورین فاطمہ گھر کا راستہ بھول گئی تھی،ورثاء کی جانب سے 15 پر بچی کی گمشدگی کی اطلاع دی گئی۔ایمرجنسی ہیلپ لائن 15 پر شہری کی جانب سےکمسن بچی ملنے کی کال بھی موصول ہوئی۔پنجاب سیف سٹیز اتھارٹی کے لاسٹ اینڈ فاونڈ سینٹر نے دونوں معلومات کا موازنہ کیا اور تصدیق کے بعد بچی کو متعلقہ پولیس اسٹیشن کے ذریعے ورثاءکے حوالے کیا گیا۔ ترجمان پنجاب سیف سٹیز اتھارٹی کا کہنا تھا کہ پنجاب سیف سٹیز اتھارٹی کا لاسٹ اینڈ فاونڈ سینٹر اب تک 610 سے زائدگمشدہ افراد کو اپنوں سے ملوا چکا ہے۔