(ن) لیگ نے ہمیں کیا چیلنج دینا،بینظیر بھٹو کا 88ءکا جلسہ بھول گئے:اسلم گل

لاہور(نامہ نگار)پاکستان پیپلز پارٹی لاہور کے صدر چودھری اسلم گل نے کہا ہے کہ (ن) لیگ نے ہمیں کیا چیلنج دینا ہے‘وہ 88کا محترمہ کا جلسہ بھول گئے ہیں۔الیکشن کی تاریخ آنے دیں‘بلاول پورے پاکستان میں جلسے کرینگے۔ان خیالات کا اظہار انہوں نے گزشتہ روز رانا جمیل منج،عمر شریف بخاری، فائزہ ملک،حافظ غلام محی الدین ،آصف ہاشمی اور ڈاکٹر ضیا اللہ بنگش کے ہمراہ پیپلز پارٹی سیکرٹریٹ ماڈل ٹاو¿ن میں پریس کانفرنس سے خطاب کرتے ہوئے کیا ۔چودھری اسلم گل نے کہا کہ میاں صاحب 5 بندوں کے علاوہ آپ کو کسی اور پر اعتماد نہیں آپ چوتھی مرتبہ وزیر اعظم بننے آئے ہیں، آپ کے پاس قوم کےلئے کیا پروگرام ہے؟۔ لیول پلیئنگ فیلڈ قوم کے سامنے ہے کہ کسے ریڈ کارپٹ استقبال دیا جا رہا ہے۔میاں صاحب کا جلسہ فیل تھا‘ ادھر ادھر سے پکڑ کو لوگوں کو مینار پاکستان جلسے میں لایا گیاتھا۔پیپلز پارٹی قومی و صوبائی اسمبلی کے ہر حلقے سے امیدوار کھڑے کرےگی اور اتفاق رائے سے بہترین امیدوار انتخابی میدان میں اتاریں گے۔