لاہور (خبر نگار) لاہور ہائیکورٹ نے فرح شہزادی کے بچوں کا نام پاسپورٹ کنٹرول لسٹ سے نکالنے کے لیے دائر انٹرا کورٹ اپیل میں فریقین کو نوٹس جاری کر دیئے۔ جسٹس شہرام سرور چوہدری کی سربراہی میں دو رکنی بنچ نے اپیل پر سماعت کی۔ اپیل میں مﺅقف اختیار کیا گیا کہ سنگل بنچ نے حقائق کا درست جائزہ نہیں لیا۔ فرح شہزادی کے بچوں کے نام پاسپورٹ کنٹرول لسٹ میں ہیں، سرکاری وکیل نے عدالت کو بتایا کہ دونوں کے نام اینٹی کرپشن اسٹیبلشمنٹ نے محکمہ داخلہ کو دئیے اور متعلقہ محکمے کی درخواست پر نام پی سی ایل شامل کیا گیا ہے۔