آئی پی ایل پلیئرز ڈرافٹ جدہ میں 24 نومبر کو ہوگا

لاہور(سپورٹس رپورٹر) انڈین پریمیئر لیگ کی میگا آکشن کیلئے کھلاڑیوں کی رجسٹریشن باضابطہ طور پر 4 نومبر کو بند ہوگئی جس میں حیران کن طور پر ڈیڑھ ہزار سے زائد کھلاڑیوں نے خود کو رجسٹر کروایا ہے۔سعودی عرب کے شہر جدہ میں 24 اور 25 نومبر کو میگا اکشن کا انعقاد کیا جائیگا جس میں 1 ہزار 165 بھارتی اور 409 غیر ملکی کھلاڑی حصہ لیں گے۔ 1,224غیر کیپڈ کھلاڑی جبکہ ایسوسی ایٹ نیشنز کے 30 کھلاڑی شامل ہیں۔