بھارت اولمپکس گیمز 2036ء کی میزبانی کے خواب دیکھنے لگا

لاہور(سپورٹس رپورٹر)بھارت اولمپک گیمز کی میزبانی کے خواب دیکھنے لگا اور اس نے 2036 کے اولمپکس اور پیرا اولمپکس کی میزبانی کیلئے خط لکھ دیا ہے۔بھارتی اولمپک تنظیم نے بین الاقوامی اولمپک کمیٹی کو خط لکھا ہے جس میں 2036 کے اولمپکس اور پیرا اولمپکس کی میزبانی کی خواہش ظاہر کی ہے۔بھارت دسواں ملک ہے جس نے 2036 میں ہونے والے بین الاقوامی کھیلوں کے اس سب سب بڑے میلے کی میزبانی کی خواہش ظاہر کی ہے۔میکسیکو (میکسیکو سٹی، گواڈالا جارا-مونٹرری-ٹیجوانا)، انڈونیشیا (نوسانتارا)، ترکی (استنبول)، پولینڈ (وارسا، کراکو)، مصر (نیا انتظامی دارالحکومت) اور جنوبی کوریا (سیول انچیون) بھی 12 سال بعد ہونے والے اولمپکس کی میزبانی میں دلچسپی رکھتے ہیں۔ انٹرنیشنل اولمپک کمیٹی نے مذکورہ ایونٹ کیلئے نومبر 2022 سے ہی بھارت اور دیگر خواہشمند ممالک سے بات چیت شروع کر دی تھی۔