پاکستانی ٹیسٹ کرکٹر ظفرگوہر کا انگلش کائونٹی مڈل سکس سے معاہدہ

 لاہور(سپورٹس رپورٹر )پاکستانی ٹیسٹ کرکٹر ظفر گوہر کا انگلینڈ کی مڈل سکس کائونٹی سے معاہدہ ہوگیا ہے۔ظفر گوہر کو مڈل سکس نے دو سال کیلئے بطور مقامی پلیئر سائن کیا ہے۔ظفر گوہر نے اس سے قبل چار سیزن بطور اوور سیز پلیئر گلوسٹر شائر کی نمائندگی کی تھی۔84فرسٹ کلاس میچز میں 300وکٹیں لینے  والے ظفر گوہر کو پاکستان سے صرف ایک ٹیسٹ میں موقع مل سکا تھا۔ظفر گوہر کائونٹی مڈل سکس کی جانب سے تینوں فارمیٹ کی کرکٹ کھیلیں گے۔