لیگی رہنما عمران حیدر ڈوگر کی ایس ای لیسکو شیخوپورہ عمربلال سے ملاقات 

خانقاہ ڈوگراں(نامہ نگار+نمائندہ خصوصی) سینئر لیگی رہنما اور سابق چیئرمین یونین کونسل رحمان آباد میاں عمران حیدر ڈوگر نے ایس ای لیسکو عمر بلال سے انکے دفتر میں ملاقات کی۔ اس موقع پر  عمران حیدر ڈوگر نے شہر میں مزید ٹرانسفارمرز کی تنصیب، لٹکتے بجلی کے تار اور دیگر شہری بجلی کے مسائل کی جانب توجہ مبذول کرائی۔ ایس ای شیخوپورہ نے ایس ڈی او شہزاد تبسم کو شہر کے بجلی کے مسائل کی جامع رپورٹ تیار کرنے، مزیدٹرانسفارمرز کی تنصیب سمیت بجلی کے انفرادی اور اجتماعی مسائل کے حل کے لئے لائحہ عمل بنانے کے احکامات جاری کیے۔