موڑکھنڈا(نامہ نگار)موڑکھنڈا میں صفائی کی صورتحال ابتر۔انتظامیہ اور ویسٹ مینجمنٹ کا عملہ صرف ایک ہی مرکزی سڑک تک صفائی محدود رکھے ہوئے ہے۔ جبکہ نہ صرف جڑانوالہ روڈ اور ہیڈ بلوکی روڈ بلکہ مدینہ کالونی‘ غلہ منڈی بازار‘ محلہ راجپورہ سمیت دیگر علاقوں میں کچرے اور گندگی کے ڈھیر جوں کے توں موجود ہیں۔ جبکہ سیوریج نالیوں کی صفائی بروقت نہ ہونے سے وہ مچھروں کی افزائش گاہ بن چکی ہیں جو کہ بیماریاں پھلانے کا موجب بن رہی ہیں۔شہریوں نے متعلقہ حکام سے فوری اقدامات کی اپیل کی ہے۔