لاہور(نامہ نگار) لاہور پولیس نے شہر کے مختلف علاقوں میں کارروائیاں کرتے ہوئے 7 منشیات فروشوں کو گرفتار کر کے  منشیات برآمد کرلی۔ ساندہ کے علاقے سے مختلف کارروائیوں کے دوران 3 منشیات فروش گرفتار کر لئے گئے۔ملزمان سے مجموعی طور پر ساڑھے 3 کلو چرس برآمد کی گئی۔ملزمان میں محسن بٹ، کامران بٹ اور وقاص شامل تھے۔ سبزہ زار کے علاقے سے منشیات فروش صفدرکو گرفتار کر کے 1400 گرام سے زائد چرس برآمد کر لی گئی۔لٹن روڈ کے علاقے سے شراب فروشی کرنے والا ملزم سلامت مسیح شراب کی بڑی کھیپ سمیت گرفتارکرلیاگیا۔ملزم سے 50 لیٹر زہریلی شراب برآمد کی گئی۔ قائد اعظم انڈسٹریل اسٹیٹ کے علاقے سے شراب فروش شکیل احمد اور محمد انور کو شراب سمیت گرفتار کر لیا گیا۔ملزمان سے 50 سے زائد امپورٹڈ شراب کی بوتلیں برآمد کی گئی ہیں۔