لاہور(نامہ نگار)شہر کے مختلف علاقوں میں ڈاکوؤں اور چوروں نے چوری و ڈکیتی کی وارداتوں میں متعدد شہریوں سے لاکھوں روپے‘ زیورات ،موبائل فون،موٹر سائیکلیں،گاڑیاں اور دیگر سامان لوٹ لیا۔ڈاکوؤں نے ہربنس پورہ میں محمود کے گھر میں گھس کر اہلخانہ کو اسلحہ کے زور پر یرغمال بنا کر6 لاکھ روپے‘زیورات،موبائل فون و دیگر سامان ،اقبال ٹاؤن   میں اقبال اور اس کی فیملی سے ساڑھے 3 لاکھ ‘زیورات ‘ موبائل فون، ریس کورس میں نبی بخش سے 20ہزار ‘ موبائل فون، شمالی چھاؤنی میں مزمل سے ایک لاکھ 60 ہزار‘ موبائل فون،گڑھی شاہو میں راحیل سے 15ہزار‘ موبائل فون، گلشن راوی میں 55ہزار‘ موبائل فون، بادامی باغ میں نبیل سے 80 ہزار ‘ موبائل فون، چوہنگ میں حارث سے 54ہزار ‘ موبائل فون، اسلام پورہ میں نعیم سے 30ہزار‘ موبائل فون لوٹ لیا ۔چوروں نے کاہنہ میں قیوم کے گھر سے 5 لاکھ70 ہزار‘زیوارات دیگر سامان چوری کرلیا۔چوروں نے مصطفی آباد،گلشن راوی اور ماڈل ٹاؤن میں3 گاڑیاں، بھاٹی سے رکشہ جبکہ لٹن روڈ، قلعہ گجر سنگھ، بادامی باغ، سندر، کوٹ لکھپت، مناواں،کاہنہ اور باغبانپورہ کے علاقوں سے 8 موٹر سائیکلیں چوری کر لی ۔