پی اے ایف اکیڈمی میں ڈیفنس کورس کی پاسنگ آئوٹ تقریب کا انعقاد

پاک فوج کے شعبہ تعلقات عامہ آئی ایس پی آر کے مطابق پی اے ایف اکیڈمی اصغرخان میں 150ویں جی ڈی (پی) 96ویں انجینئرنگ اور 106ویں ایئر ڈیفنس کورس کی پاسنگ آئوٹ تقریب کا انعقاد کیا گیا۔26ویں اے اینڈ ایس ڈی، 9ویں لاجسٹکس اور 132ویں کامبیٹ سپورٹ کورسز کی گریجویشن تقریب بھی منعقد ہوئی ،چیئرمین جوائنٹ چیفس آف سٹاف کمیٹی جنرل ساحر شمشاد مرزا گریجوایشن پریڈ کے مہمان خصوصی تھے۔ پاک فضائیہ کے سربراہ ایئر چیف مارشل ظہیر احمد بابر سدھو بھی تقریب میں موجود تھے، مجموعی طور پر 139 ایوی ایشن کیڈٹس، 8 جینٹل مین کیڈٹس اور 2 نیول کیڈٹس پاس آئوٹ ہوئے۔