ڈونلڈ ٹرمپ کے صدر بنتے ہی ن لیگیوں کی نیندیں اڑ گئی ہیں، بیرسٹر ڈاکٹر سیف

 وزیر اعلیٰ خیبر پختونخوا کے مشیر برائے اطلاعات و تعلقات عامہ بیرسٹر ڈاکٹر سیف نے کہا ہے کہ ڈونلڈ ٹرمپ کے امریکی صدرمنتخب ہوتے ہی ن لیگیوں کی نیندیں اڑ گئی ہیں ۔ بیرسٹر ڈاکٹر سیف نے کہا کہ لیگی رہنماؤں کو فکر نہیں کر نی چاہئیے کیوں کہ سوشل میڈیا پر تمام پوسٹیں اب ریکارڈ کا حصہ بن چکی ہیں اور مسلم لیگ ن نے ڈونلڈ ٹرمپ کے خلاف سوشل میڈیا پر باقاعدہ مہم چلائی تھی۔مشیر اطلاعات نے کہا کہ اب یو ٹرن لے کر ٹرمپ کی تعریفیں کرتے یہ لوگ نہیں تھکتے ہیں اور یہ کو ئی نئی بات نہیں ہے اس لئے کہ طاقتور کی پوجا کرنا لیگی رہنماوں کا پرانا وطیرہ ہے۔