لاہور (لیڈی رپورٹر) انصاف سٹوڈنٹس فیڈریشن کے مرکزی صدر فرخ حبیب اور وقاص افتخار بٹ نے کہا ہے کہ حکومت تحریک انصاف کے امن مارچ کی راہ میں رکاوٹیں ڈال کر امریکی غلامی اور ڈرون حملوں کی حمایتی ہونے کا ثبوت دے رہی ہے۔ موجودہ حکمران ڈرون حملوں میں ہونے والی ہلاکتوں کے ذمہ دار ہیں ان کے خلاف ہزاروں افراد کے قتل کا مقدمہ چلنا چاہئے۔ تحریک انصاف کا سونامی ہی اس ملک کو کرپشن، مہنگائی، بے روزگاری اور دیگر مسائل سے نجات دلا سکتا ہے۔