جوہانسبرگ (این این آئی)ٹی ٹونٹی چمپئنز لیگ کوالیفائنگ راﺅنڈ میں شرکت کیلئے سیالکوٹ اسٹالینز کی ٹیم جوہانسبرگ پہنچ گئی ذرائع کے مطابق چمپئنز لیگ ٹی ٹونٹی میں پاکستان سے سیالکوٹ اسٹالینز کی ٹیم شرکت کررہی ہے جس میں شامل شعیب ملک، رضا حسن اورعمران نذیر سری لنکا سے ہی جنوبی افریقہ پہنچے ۔سری لنکا میں ورلڈ ٹی ٹوئنٹی کھیلنے والے دیگر پاکستانی کھلاڑیوں میں آل راﺅنڈر شاہد آفریدی ہمپشائر کی جانب سے ایکشن میں دکھائی دیں گے، فاسٹ بولر سہیل تنویر جنوبی افریقا کی ٹیم ہائیویلڈ لائنز جبکہ عمر گل اووا نیکسٹ کی جانب سے ایکشن میں نظر آئیں گے۔ ٹیسٹ کرکٹر فواد عالم بھی اووا نیکسٹ کی جانب سے کھیلیں گے،جبکہ اظہر محمود نیوزی لینڈ کی ٹیم آکلینڈ ایسز کی نمائندگی کریں گے۔سیالکوٹ اسٹالینز کی ٹیم9 اور 11 اکتوبر کو کوالیفائنگ را¶نڈ میں شرکت کرے گی۔