گلگت (ثناءنیوز) سکیورٹی فورسز نے نانگا پربت پر غیر ملکی کوہ پیماوں کے قتل سے جڑے دو مبینہ ہائی پروفائل دہشت گردوں کو گرفتار کرنے کا دعویٰ کیا ہے۔ ان مشتبہ دہشت گردوں کو شمالی علاقے چلاس سے گرفتار کیا گیا۔ ایک پولیس افسر نے بتایا کہ دونوں کی علاقے میں موجودگی کی خفیہ اطلاع ملنے کے بعد سکیورٹی فورسز نے یہاں بڑے پیمانے پر سرچ آپرشن کیا۔پولیس افسر نے دعوی کیا کہ دونوں گرفتار افراد کا 23 جون کو ناگا پربت میں فائرنگ سے دس ہلاکتوں کے ساتھ براہ راست تعلق ہے۔ ایک گھر سے پکڑے جانے والے دونوں مشتبہ افراد گرفتاری کے وقت خواتین کے لباس میں چھپ کر فرار ہونے کی کوشش کر رہے تھے۔