بیوی اورسسرالیوں کے ہاتھوں جھلسنے والا، پولیس کے خوف سے چھت چھلانگ لگانے اور بیہوشی کی حالت میں ملنے والے افراددم توڑ گئے

لاہور (نامہ نگار+ سٹاف رپورٹر) داتا دربار کے علاقہ سے 50 سالہ نامعلوم شخص کی نعش ملی، دریں اثناء تھانہ ہربنس پورہ میں پولیس کے خوف سے چھت سے چھلانگ والا 36 سالہ لیاقت دم توڑ گیا۔ساتھ والے گھر میں متوفی لیاقت ساتھیوں کے ساتھ جواء کھیل رہا تھا۔ دریں اثناء تھانہ گلشن اقبال کے علاقہ میں بے ہوشی کی حالت میں ملنے والا 35 سالہ شخص ہسپتال میں دم توڑ گیا۔دریں اثنا گھریلو جھگڑے پر بیوی اور سسرالیوں کے ہاتھوں جھلسنے وا لا شخص دم توڑ گیا۔ستوکتلہ میں چار روز قبل کرائے دار35سالہ طالب کو اس کی بیوی نسرین نے والد طفیل ،والدہ پروین بھائی عمیر اور بہن شمیم کو بلا کر تشددکے بعد پٹرول چھڑک کرآگ لگادی تھی۔زخمی ہسپتا ل میں دم توڑ گیا۔