جیکی چن نے ایک اور طیارہ خرید لیا

بیجنگ (آن لائن)ویسے تو ہوا میں اڑنے کا شوق کس کو نہیں ہوتا مگر اس کے لئے 2 ارب روپے خرچ کرنے کی سکت ہر ایک کے بس کی بات نہیں، کیا آپ ایسا کرسکتے ہیں؟کم از کم چین سے تعلق رکھنے والے سپرسٹار اداکار جیکی چن نے تو ایسا نیا کھلونا اپنے ذخیرے کا حصہ بنالیا ہے۔جی ہاں گزشتہ دنوں چینی اور ہولی وڈ فلموں کے اس سپرسٹار نے برازیل کی طیارہ ساز کمپنی ایمبرایر سے ایک اور جہاز 20 ملین ڈالرز (لگ بھگ 2 ارب 10 کروڑ پاکستانی روپے) میں خرید لیا ہے۔یہ برازیلین کمپنی کا رواں سال متعارف کرائے جانے والا جہاز ہے جسے لیگسی 500 بزنس جیٹ کا نام دیا گیا ہے۔ایمبرایر لیگسی 500 بزنس جیٹ نامی یہ طیارہ جیکی چن کا پہلا جہاز نہیں۔