پاکستان ہاکی فیڈریشن نے سینئر، جونیئر ٹیموں کی سیریز کو مانیٹر کرنے کی ہدایت کر دی

لاہور(سپورٹس رپورٹر) پاکستان ہاکی فیڈریشن نے قومی سینئر اور جونیئر ٹیموں کے ممکنہ کھلاڑیوں کے درمیان تین میچوں کی سیریز کے 8 سے 10 اکتوبر تک کھیلے جانے والے پریکٹس میچز کو مانیٹر کرنے کیلئے سلیکشن کمیٹی کو بھی ہدایت کر دی ۔ ایشین مینز چیمپئنز ٹرافی ہاکی ٹورنامنٹ کیلئے پاکستان سینئر ٹیم کے ممکنہ کھلاڑیوں کا تربیتی کیمپ اولمپئن خواجہ جنید کی زیر نگرانی نیشنل ہاکی سٹیڈیم میں جاری ہے جبکہ جونیئر ٹیم کے ممکنہ کھلاڑی اولمپئن طاہر زمان کی زیرنگرانی جوہر ہاکی سٹیڈیم میں سلطان آف جوہر جونیئر ہاکی ٹورنامنٹ کیلئے تربیت حاصل کر رہے ہیں۔