عزیزآباد سے صرف دس فیصد اسلحہ ملا نوے فیصد ابھی باقی ہے: منظور وسان

Oct 07, 2016

کراچی (صباح نیوز) وزیر صنعت سندھ منظور وسان نے کہا ہے کہ گزشتہ روز جتنا اسلحہ ملا وہ صرف دس فیصد تھا ۔نوے فیصد اسلحہ باقی ہے وہ بھی پکڑا جائیگا۔جمعرات کو سندھ سیکرٹریٹ کے باہر وزیرصنعت منظور وسان میڈیا سے گفتگو کر رہے تھے، انہوں نے اس کو عالمی سازش قرار دیتے ہوئے کہا کہ سابق صدر جنرل ریٹائرڈ پرویز مشرف سے پوچھا جائے کہ اسلحہ کیسے پہنچا ۔منظور وسان نے کہا کہ اینٹی ائر کرافٹ گن شہروں سے نکلنا حیران کن ہے ۔ ایسا اسلحہ ہیلی کاپٹر گراسکتا ہے ۔انہوں نے کہا کہ اس میں جو بھی ملوث ہوا اس کو سزا ضرور ملے گی ۔ اگر مجھے ٹاسک ملا تو میں انکوائری کروںگا۔

مزیدخبریں