پولیس لائنز قلعہ گجر سنگھ کی گذشتہ ہفتہ کی کارکردگی رپورٹ

لاہور(نامہ نگار)پولیس لائنز قلعہ گجر سنگھ کی گذشتہ ہفتہ کی کارکردگی رپورٹ کے مطابق گاردات کے 45 جبکہ سکیورٹی ڈویژن کے 67 پولیس اہلکاروںکو فائرپریکٹس کروائی گئی۔اسٹیٹ بینک کی سکیورٹی پر تعینات 49 سیکورٹی گارڈز کو فائر پریکٹس بھی کرائی گئی۔سیاسی و اہم شخصیات کی پیشی سمیت دیگر اہم سکیورٹی پوائنٹس اور لاء اینڈ آرڈر کی صورتحال کو کنٹرول کرنے کیلئے پولیس لائنز سے روزانہ کی بنیاد پر 1160 سے زائد اہلکار روانہ کئے۔ احتساب اور دہشت گردی عدالت سمیت مختلف پوائنٹس پر روزانہ ایس ایس یو کے 600 سے زائد اہلکار روانہ کئے گئے۔ پاک سری لنکا کرکٹ سیریز کے دوران 5 ہزار سے زائد اہلکار روانہ کئے گئے۔ جوڈیشل ونگ نے بہترین کارکردگی کا مظاہرہ کرتے ہوئے گذشتہ ہفتے کے دوران خطرناک نوعیت کے ملزمان سمیت ضلع لاہور کے 3430 اور بیرون اضلاعی 38 زیر تفتیش قیدیوں کو لاہور کی مختلف عدالتوں میں پیش کیا اور واپس متعلقہ مقامات پر پہنچایا۔