ڈاکوئوں اور پولیس میں مقابلے  دوڈاکو زخمی حالت میں گرفتار

کراچی( وقائع نگار) سرجانی خدا کی بستی اور گلشن اقبال میں افغانی ڈاکوئوں اور پولیس میں خونی مقابلے دوڈاکو زخمی حالت میں گرفتار ہوگئے بلدیہ سے کیماڑی پولیس نے500موٹرسائیکلیں چھیننے والے گینگ کے کارندے کو گرفتار کرلیاجبکہ ناظم آباد ، عزیز آباد سے سات ملزم گرفتارا یف بی انڈسٹریل ایریا سے مددگار پولیس نے گودام لوٹنے والے دو ملزمان کو گرفتار کرلیا،دوران ڈکیتی مزاحمت پرایک شخص زخمی ہواتفصیلات کے مطابق سرجانی خدا کی بستی لیاری آفس کے قریب پولیس اور اسٹریٹ کریمنل میں خونی جھڑپ پولیس نے فائرنگ کے تبادلے کے بعد ایک ڈکیت امتیاز علی ولد مسکین کو زخمی حالت میں گرفتار کرلیاجبکہ ملزم کا ساتھی فرار ہوگیاادھر گلشن اقبال پولیس کا بلاک 5 پوسٹ آفیس کے قریب ڈاکوئوں سے فائرنگ تبادلہ میں افغانی ڈکیت محمد ولی کو زخمی حالت میں گرفتار کرکے تین پرس ،موٹر سائیکل اور اسلحہ برآمد کرلیا علاوہ ازیں مدینہ کالونی پولیس نے موٹرسائیکل چوری کی سینکڑوں وارداتوں میں ملوث ملزم کو گرفتار کرلیا ،ملزم سے 4 عدد موٹر سائیکلیں برآمد کرلیںجبکہ پولیس نے ملزم بنام ریحان اللہ ولد ہدایت اللہ کو گرفتار کر کے مدینہ کالونی، مومن آباد، سائیٹ بی اور شیرشاہ سے چوری کی گئی 4  موٹرسائیکلیں برآمد کر لیں۔