لاہور(نامہ نگار)ڈی آئی جی آپریشنزلاہور کیپٹن (ر)سہیل چودھری نے جرائم پیشہ عناصر کیخلاف موثر کاروائیاں نہ کرنے اور ناقص کارکردگی پر 13ڈی ایس پیزکو وضاحتی لیٹر زجاری کر دیئے ہیں۔ ڈی ایس پی اسلام پورہ صوبے خان، ڈی ایس پی ٹبی سٹی علی اختر، ڈی ایس پی رنگ محل اشتیاق حسین خان، ڈی ایس پی شاہدرہ ناصر محمود خان، ڈی ایس پی مصری شاہ محمد خان، ڈی ایس پی ریس کورس نوید اکمل،ڈی ایس پی قلعہ گجر سنگھ ملک عبدالغفور،ڈی ایس پی شمالی چھاؤنی عمر فاروق،ڈی ایس پی برکی راشد ملک، ڈی ایس پی مناواں زکریا یوسف، ڈی ایس پی اچھرہ سہیل رضا کاظمی،ڈی ایس پی اقبال ٹاون سید مستحسن شاہ، ڈی ایس پی مسلم ٹاون و سمن آبادعلی اکبر کو ناقص کارکردگی نوٹسز جاری کئے گئے۔ڈی آئی جی آپریشنز نے ناقص کارکردگی پر آخری وارننگ جاری کی ہے۔سہیل چودھری نے کہا کہ کارکردگی بہتر نہ ہونے کی صورت میں افسران کو مزید سخت کارروائی کا سامنا کرنا پڑیگا۔کرائم کنٹرل نہ کرنیوالے افسران کیخلاف آئی جی آفس کو لیٹر لکھا جائیگا۔