لاہور(سپورٹس رپورٹر)قومی کرکٹ ٹیم کے سٹار فاسٹ بائولر شاہین شاہ آفریدی اگلے سال کاؤنٹی چیمپئن شپ میں ایکشن میں ہوں گے‘ 2022 ء کیلئے کاؤنٹی مڈل سیکس سے معاہدہ بھی کرلیا ہے۔ٹی ٹونٹی بلاسٹ اور کاؤنٹی چیمپئن شپ میچز کیلئے دستیاب ہوں گے۔شاہین شاہ آفریدی اس سے قبل ہمپشائر کی جانب سے ٹی ٹونٹی بلاسٹ کھیل چکے ہیں۔ شاہین شاہ آفریدی کا کہنا ہے کہ معاہدے پر خوش ہوں، لارڈز میں کاؤنٹی کھیلنا ہمیشہ خواب تھا۔ امید ہے اپنی کارکردگی سے ٹیم کیلئے اہم کردار ادا کروں گا۔