لاہور (سپورٹس رپورٹر)خیبرپی کے ہاکی لیگ میں ٹرائبل لائنز اور پشاور فالکنز نے کامیابی حاصل کرلی، بنوں پینتھرز کی ٹیم نے بھی اپنا میچ جیت لیا۔بنوں اور ڈیرہ اسماعیل خان میں میچز کھیلے گئے۔بنوں میں ہونیوالے میچ میں پشاور فالکنز نے مالاکنڈ ٹائیگرز کو تین صفر سے شکست دی۔ڈیرہ اسماعیل خان میں ٹرائبل لائنز اور کوہاٹ ایگلز کے درمیان میچ ٹرائبل لائنز نے 3-9  سے جیت لیا۔بنوں پینتھرز نے ہزارہ واریئرز کو تین دو سے شکست دیدی۔