آرمی چیف کا دورہ فرنٹئیر فورس رجمنٹل سنٹر، پیشہ ورانہ مہارت کی تعریف

اسلام آباد (خبرنگار خصوصی) آرمی چیف جنرل قمر جاوید باجوہ نے سالانہ کمانڈنگ آفیسرز کانفرنس کے موقع پر فرنٹیئر فورس رجمنٹل سنٹر ایبٹ آباد کا دورہ کیا۔  آئی ایس پی آر کے مطابق آرمی چیف جنرل قمر جاوید باجوہ نے  سب سے پہلے یادگار شہداء پر پھولوں کی چادر چڑھائی۔  شرکاء سے خطاب  میں آرمی چیف نے رجمنٹ کی پیشہ ورانہ مہارت، عمدہ آپریشنل کارکردگی اور جنگی اہلیت کی تعریف کی۔ آرمی چیف کے رجمنٹل سینٹر پہنچنے پرکرنل کمانڈنٹ ایف ایف رجمنٹ لیفٹیننٹ جنرل عامر عباسی، انسپکٹر جنرل آرمز لیفٹیننٹ جنرل ماجد احسان اور کمانڈنٹ ایف ایف رجمنٹل سینٹر نے ان کا استقبال کیا۔