بھارت ،مسافر بس اور ٹرک کے تصادم میں 9افراد ہلاک اور 27زخمی ہو گئے

بھارت میں مسافر بس اور ٹرک میں تصادم کے باعث 9افراد ہلاک اور 27زخمی ہو گئے ہیں ۔بھارتی ذرائع ابلاغ نے پولیس ترجمان یاموناپرساد کے حوالے سے بتایا ہے کہ بھارتی ریاست اترپردیش کے شہر لکھن کے گاوں بارابنکی روڈ پر مسافر بس تیز رفتاری کے باعث بے قابو ہو کرمخالف سمت سے آنے والے ریت کے لدے ٹرک سے ٹکرانے کے نتیجے میں 9افرادہلاک جبکہ 27زخمی ہو گئے ہیں ۔ان کا کہنا تھا کہ بس دہلی سے بہراچ شہر کی طرف جا رہی تھی ، جس میں 70مسافر سوار تھے۔ امدادی کارکنوں کی ٹیم نے نعشوں اور زخمیوں کو قریبی ہسپتال منتقل کر دیا ہے۔واضح رہے کہ متاثرین میں بچے اور عورتیں بھی شامل ہیں ۔