ایمن آباد ( نمائندہ نوائے وقت ) ورلڈ ٹیچرز ڈے ‘ کی مناسبت سے گوجرانوالہ میں بھی تقریبات کا اہتمام کیا گیا جس میں اساتذہ کرام کی خدمات کو خراج تحسین پیش کیا۔ دی سپرٹ سکول کینال ویواور جلیل ٹاؤن کیمپس کے چیئرمین ڈرایکٹر شہباز نثار خاں نے  تقریب میںطلباء وطالبات سے خطاب کرتے ہوئے کہا کہ  دنیا بھر میں اساتذہ تنظیمیں یہ دن اہتمام سے مناتی ہیں، اس دن کے منانے کا مقصد اساتذہ کو تعلیمی شعبوں میںمتحرک کرنے میں مدد فراہم کرنا اور اس امر کو یقینی بنانا ہے کہ اساتذہ مستقبل کے معماروں کی تعلیمی ضروریات کو جاری رکھیں۔ اس موقع پر اساتذہ میں پرنسپل مسز نوشین مس نازیہ رحمان مس ثانیہ مس روبینہ مس ربیعہ رضوان احمد برہان خاں ودیگر نے بھی خطاب کیا۔